→ Les om arrangementet på norsk.

Maŋŋebargga 6. beaivve guovvamánus 2024 mii ávvudit Sámi álbmotbeaivvi. Elektronikaartista Peder Niilas Tårnesvik čuojaha eksperimentealla elektronihka, geđgiiguin ja ráfálaš jienaiguin. Su performánsa geavvá Kristin Tårnesvika čájáhusas Ro i rett linje. Dađe maŋŋá, Kristin Tårnesvik ságastallá Raisa Porsangeriin čájáhusa birra.

Peder Niilas Tårnesvik lea šuokŋadahkki, artista ja jietnadáiddár ja bargá šáŋŋeriid ja dovddaheamiid rastá, muhto lea álo juoga mii čuovvu su bargguid. Son lea Niilas-nammasaš prošeavttain čuojahan klubbmusihka ja vuoitán Spellemann-bálkášumi 2020 iežaš vuosttaš skearuin Also This Will Change, duollan performánssaid geđgiiguin ja elektronihkain, ja lea oruskeahtta leamašan nana DJ. Son gođđá oktii elektronálaš julkasiid, roattus bássa ja snolkás šuoŋat ja hábme šelges jietnagovaid. Dát čátnasit oktii su sámi árbbiin ja arktálaš estetihkain.

Kristin Tårnesvik (r. 1964) lea norgga-sámi dáiddár Gáivuonas eret ja ássá Oslos. Son ráhkada dáidagii iešguđet ávdnasiiguin ja hámiin: tevnnegiid, grafihka, bácciid, govven, video ja installašuvnnaid. Kulturárbi ja kultuvrralaš muitu lea dáidabárgguid fáddálaš duogáš, ja maiddái jurdašeapmi áiggi ja giehtabarggu birra.

Kristin Tårnesvik čájeha ođđa tevnnegiid ja muorrabácciid čájáhusas Ro i rett linje (Njuolga sárgás ráfi, dahje Suhkat njuolgat) Kunstnerforbundehas. Intuitiiva bargovuohki ja abstrákta hámiiguin stuohkat lea vuođđun su dáiddalaš doaimmain. Son gohčoda abstrákta dáidabargguid giellaheapmin, go sáhka lea guođđit giela ja duolbmalit dovdduid máilbmái. Čatnasa maiddái su mánnávuhtii mearrasámi báikkis gos dáruiduhtin čuozai garrasit. Árbevirolaš duodji ja intuitivvalašvuohta deaivvadit su muorrabácciin maid son lea ráhkadan áhčis luhte Dálvesvákkis Gáivuonas. Dán čájáhussii báccit vel dovddahit oskkolašvuođa ja rahpet áimmu gos áigi ja báiki nohká. 

→ Loga eambbo čájáhusa birra.

Govven Peder Niilas Tårnesvika: Christine Bouché