Ohcanáigemearri ohcat čájáhussaji Kunstnerforbundetas lei bearjadat 1. b. čakčamánus 2023 ja min ohcansiidu lea gitta. Jus leat ohcan čájáhussaji, de oaččut vástádusa ovdal ođđajagi.
Čuovu mielde min ruovttosiiddus go mii almmuhit atelierasajiid 2024-2025 Atelier Kunstnerforbundetas.
Sihke dáiddárat, dáiddaduojárat ja duojárat sáhttet ohcat čájáhussaji, beroškeahttá dáiddaoahppus ja miellahttovuođas dáiddaservviin. Kunstnerforbundet háliida máŋggabealat ja girjái prográmma ja ávžžuhit buot dáiddáriid ja duojáriid ohcat, beroškeahttá sohkabelis, čearddalašvuođas, oskos, doaibmannávccain, agis ja sojus. Mii váldit vuostá ohcamušaid sámegillii, dárogillii, eará skandinaválaš gielaide ja eaŋgalasgillii. Joavkkut maiddái sáhtet ohcat.
Ohcamuššii čálát prošeaktačilgehusa, guđe lanjas háliidat čájehit, dáiddár-CV ja mielddustit dáiddalaš duođaštusa ovddeš dáiddabargguin dahje evttohusaid čájáhussii govaid, video dahje jiena bokte.
Dađi bahábui, mii eat váldde vuostá ohcamušaid e-poastta bokte, PDF dahje eará hámiin. Juohke ohcci/geavaheaddji sáhttá dušše ovtta čájáhusohcamuša ohcansiiddu bokte sáddet sisa.
Mii meroštallat vástidit ohcamuša ovdal ođđajagi. Árvoštallama lávdegoddi lea Kunstnerforbundeha stivra ja beaivválaš jođiheaddji.
Ollu lihkku!
→ Loga eambbo Kunstnerforbundet birra ja ovddeš ja dálá čájáhusaid dás.
Publisert 28. juni 2023
Sist oppdatert 21. september 2023