Les utlysningen på norsk her. / Read the Open Call in English here.

Hálidat go ohcat atelierasaji Atelier Kunstnerforbundetas? Mis leat njealje guorus ateliera njukčamánu 2024:s miessemánu 2026 radjai. Min ohcansiidu lea dál rabas. Ohcanáigemearri lea máŋŋebargga 31. b. golggotmánus 2023.

Atelier Kunstnerforbundet birra

Atelier Kunstnerforbundet lea atelierasearvevuohta, dáiddaberošteddjiid fierpmádat ja ovdanvázzinbargu dáiddagaskkusteamis. AKF fállá dáiddáriidda buvttadanlanjaid ja heivehuvvon ovddidanprográmma Kunstnerforbundeha iežas visttis Oslo gávpotguovddážis.

Atelier Kunstnerforbundet doaimma guoktejahkásaš atelieraprográmma mii ovddida dáiddálš ja kultuvrralaš buvttadeami ja fállá dáiddáriidda nuvttá ateliera guovdu Oslo gávpogis. Dasa lassin heivehuvvon prográmma ovddidáhttit bargoveagaid.

Atelier Kunstnerforbundetas leat njealje ateliera guokte bajimuš gearddiin Kunsterforbundehas. Dasa lassin lea vel prošeaktalatnja lovttas, gos maiddái lágidit iešguđetlágan doaluid. Oktiibuot Atelier Kunstnerforbundet geavaha 287 m2 visttis ja atná buot vejolaš resursaid Kunstnerforbundehas. Olles jándora beassá atelieras bargat ja beassá sisa sierra olgouvssa bokte.

AKF juksanmearri lea láhčit buriid bargodilálašvuođaid dáiddáriidda, ja seammás nannet diehto- ja máhttolonohallama dáiddáriid, kuráhtoriid ja eará fágaberošteddjiid gaskkas. Prográmmas lea miella deaivat ođđa dáiddageavaheddjiid ja hukset searvevuođaid iešguđet vugiid mielde. Dát geavvá earret eará bargobájiin, kurssain, seminárain, čállinbájiin, čoahkimiin, ofelastimiin ja go iešguđet joavkkut ja fierpmádagat galledit. Fuomáš fal ahte prográmma lea olgguldas ruhtadeami duohken.

Geat sáhtet ohcat?

Sihke dáiddárat, dáiddaduojárat ja duojárat sáhttet ohcat čájáhussaji, beroškeahttá dáiddaoahppus ja miellahttovuođas dáiddaservviin. Atelier Kunstnerforbundet háliida máŋggabealat ja girjái prográmma ja ávžžuhit buot dáiddáriid ja duojáriid ohcat, beroškeahttá sohkabealis, čearddalašvuođas, oskos, doaibmannávccain, agis ja sojus. Mii váldit vuostá ohcamušaid sámegillii, dárogillii, eará skandinaválaš gielaide ja eaŋgalasgillii.

Fuomáš

Atelier Kunstnerforbundet hálida leat solidáralaš dálá atelieradilálašvuođain Oslos. Danin mii vuoruhit dáiddáriid ja duojáriid geain ii leat eará atelierasadji. Muhto árvvoštallat gal daid geat muđui dárbbašit liige duodjebáji sierralágan ávdnasiiguin bargat.

Atelier Kunstnerforbundet lea searvválaš atelieraprográmma mii galgá ovddidit dáiddálaš barggu ja geavaha. Ohccit galggašit beroštit ja searvat prográmmas mas leat báikkálaš ja rikkaidgaskasaš guossit, eará dáiddáriiguin geat leat atelieras, ja dasto vel ressursariggodagas mii gávdno Kunstnerforbundeha čájáhusprográmmas, fierpmádagas, kulturberošteaddjit ja iešguđet galledeaddjit.

Dađi bahábui, Atelier Kunstnerforbundet ii leat beasatlaš olbmuide geat leat lihkadaneasttalan dahje geavahit juvlastuolu go dáppe ii leat heaisa. Kunstnerforbundehas lea guhkesáigásaš prošeakta divodit ja heivehit vistti. Váldde fal oktavuođa jus jurddašat maidege dan birra.

Njuolggadusat

Atelier Kunstnerforbundet hálida čuovvut vuođđojurdagiid searvvadahtti feminismma, antirasismma ja oadjebas lanjaid (safe space) ektui.

Mo ozat?

Mii váldit vuostá ohcamusaid dušše ohcansiiddu bokte. Mii eat váldde vuostá ohcamušaid e-poastta dahje eará vugiid mielde.

Ohcansiidu lea rabas 3. b. golggotmánu rájes gitta ohcanáigemeari rádjai, máŋŋebargga 31. b. golggotmánus, gaskaija áigge. 

Rabas beaivi

Mii doallat rabas beaivvi atelierain bearjadaga 20. b. golggotmánus dii. 15.00-18.00.

Ohcamuš Atelier Kunstnerforbundehii galgá sisdoallat:

1. Ohcanreivve mas lea eanemustá 3 000 čállinmearkka oktan gaskkaiguin. Teaksta ferte sisdoallat:
- Manne don ozat Atelier Kunstnerforbundehii.
- Čilge oanehaččat iežas dáiddalaš barggu birra, oktan kritihkalaš jurdagiiguin.
- Maid don háliidat dáiddálaččat dutkat go leat Atelier Kunstnerforbundehas.

2. Guđe atelierasaji don siđat (geahča latnjakártta gos atelierjain leat nummirat). Sáhtat váljet ovtta dahjege eanet atelieraid, dahjege guođđit rabasin.

3. CV galgá mielddustit PDF-fiilain mii ii leat guhkkit go guokte A4-siiddu.

4. 10 JPG-gova mat čájehit dehálaš prošeavttaid dahjege dutkama mii buoremusat čilge du bargoveaga.

5. Eanemustá 3 liŋkka video- ja/dahje jietnabargguide. Juohke video/jietnafiilla ii berre bistit guhkkibut go 5 minuvtta. Jus leat suddjen dáid sisabeassansániiguin, muitte fal čállit daid skovvii.

Juohke ođđa ohcci ferte ođđa geavaheaddji ohcansiidui dieđihit, persovdnagáhttema dihtii. Don oaččut e-poastta bokte liŋka mainna beasat sisa, baicce go ráhkadit beassansáni. Dán liŋkka geavahat sihke go dieđihat ođđa geavaheaddjin ja go áiggut ođđasit beassat sisa. 

Sáhtát vurket ohcamuša dađistaga barggadettiin gitta ohcanáigemearrái.

Mii dáhttut du buori áiggis válmmastit ja sáddet sisa ohcamuša, amas eai šatte váttisvuođat ja liigenoađuheapmi min siiddus go olu ohccit leat oktanaga siste.

Dehálaš beaivvit
20. b. golggotmánus: Rabas beaivi, boađe galledit Atelier Kunstnerforbundet!
31. b. golggotmánus: Ohcanáigemearri
19. b. juovlamánus: Jearahallan ohcciiguin Atelier Kunstnerforbundehii. Vurke fal beaivvi.

Mii sáddet vástádusa ohcamuššii ođđajagimánus 2024:s.

Atelier Kunstnerforbundeha atelierasajit juolluduvvojit guoktejagi ovddas, njukčamánu 2024 rájes, miessemánu 2026 rádjai.

Atelier Kunstnerforbundeha árvvoštallanlávdegottis leat Lars Sture (beaivválaš jođiheaddji), Ingrid Lønningdal (stivrajođiheaddji), John Raustein (nubbin stivrajođiheaddji), Anne Marte Archer (prošeaktajođiheaddji) ja Martina Petrelli (kuráhtor).

Gažaldagat?
Váldde oktavuođa Anne Marte Archeriin (prošeaktajođiheaddji)
anne.marte@kunstnerforbundet.no / +47 23 31 02 40

Lihkku lehkos!

Publisert 3. oktober 2023
Sist oppdatert 28. november 2023