Geat sáhttet ohcat

Mii váldit vuostá ohcamušaid sihke dáiddáriin, dáiddáduojáriin ja frilanskuráhtorain govvadáiddasuorggis geat ásset Norggas dahje lea oktavuođa Norgii ja Sápmái. Sihke ovttaskas dáiddárat ja kuráhtorat, ja dáiddárjoavkkut sáhtet ohcat.

Kunstnerforbundet háliida máŋggabealat ja girjái prográmma ja ávžžuhit buot ámmátlaš dáiddáriid ja duojáriid ohcat, beroškeahttá dáiddaoahppus ja miellahttovuođas dáiddaservviin, sohkabelis, čearddalašvuođas, oskkus, doaibmanávccain, agis ja sojus.

Rievdadusat almmuhusas

Kunstnerforbundet lea dáhkan rievdadusaid čájáhussajiid almmuhussii:

Almmuhus guovtti jagi ovddas: Min jahkkásaš almmuhusas lea leamašan nu ahte sáhttá ovtta jagi ovddas ohcat čájáhussaji. Dán jagi rájes mii almmuhat juohke nuppi jagi ja čájáhusprográmmaáigodat lea guokte jagi. Dat mearkkaša ahte dán jagi sáhttá ohcat čájáhussaji 2027 ja 2028 áigodagas. Ohcanskovis sáhttá válljet goappá jagis háliida čájáhusa doallat.

Ođđa ohcangáibádusat: Jus du lea leamašan čájáhus Kunstnerforbundetas dáid 5 maŋimuš jagi (maŋŋá 1. b. čákčamánu 2020), dahje jus dus galgá leat eará čájáhus Oslos 2027 ja 2028:s, de don it sáhte ohcat čájáhussaji dáppe.

Ohcamuša birra

Ohcamuššii deavddát prošeaktačilgehusa, guđe lanjas háliidat čájehit, goappá jagi hálidat čájáhusa, dáiddár-CV ja mielddustit dáiddalaš duođaštusa ovddeš dáiddabargguin dahje evttohusaid čájáhussii govaid, video dahje jiena bokte. Ohcamuša sáhtat čállit sámegillii, dárogillii, skandinaválaš gielain dahjege eaŋgalasgillii.

Loga fal almmuhusa dárkilit ovdal go deavdigoađat ohcanskovi (fuom: ohcansiidu ráhppo borgemánu 5. beaivve), ja fuomáš ge ohcamušteavstta guhkodatráji ja galle mildosa beassá ohcamuššii bidjat.

Ohcamuš sáddejuvvo Kunstnerforbundeta digitála ohcanportála bokte ovdal ohcanáigemeari. Ohcamušat mat eai leat ollásmahttán ohcanáigemearrái, dahje mat leat váilevaččat, hilgojuvvojit. Dađi bahábui, mii eat váldde vuostá ohcamušaid e-poastta dahje reivve bokte, PDF dahje eará hámiin, ja eat ge sáhtte rievdadit dahje lasihit maidege ohcamuššii maŋŋá ohcanáigemeari.

Geat árvvoštallet ohcamušaid

Kunstnerforbundeha stivra ja beaivválaš jođiheaddji lea árvvoštallanlávdegoddi. Sii árvoštallet ohcamušaid fágalaččat ja mearridit čájáhusprográmma 2027-2028 Kunstnerforbundetas.

Beaivemearit

• Ohcansiidu rahppo maŋŋebárga borgemánu 5. beaivvi 2025 dii. 12.00.

• Áigemearri ohcat: Vuossárga čakčamánu 1. beaivvi 2025 dii. 24.00.

• Vástádusa boahtá birrasii ođđajagi.

Gažaldagat ohcamuša birra?

Váldde fal oktavuođa buori áiggis ovdal ohcanáigemeari.

Kunstnerforbundet doallá gitta geassemánu 30. b. rájes borgemánu 7. b. radjai, muhto mii vástidat e-poasttaid fas borgemánu 1. beaivve rájes.

→ Loga eambbo Kunstnerforbundet birra ja ovddeš ja dálá čájáhusaid dás.

Lihkku lehkos!

Publisert 25. juni 2025
Sist oppdatert 25. juni 2025