Mii váldit vuostá ohcamušaid sihke dáiddáriin ja dáiddáduojáriin geat ásset Norggas dahje lea oktavuođa Norgii ja Sápmái.

Kunstnerforbundet háliida máŋggabealat ja girjái prográmma ja ávžžuhit buot dáiddačehpiid ja duojáriid ohcat, beroškeahttá dáiddaoahppus ja miellahttovuođas dáiddaservviin, sohkabelis, čearddalašvuođas, oskkus, doaibmanávccain, agis ja sojus. Sihke ovttaskas dáiddárat, dáiddárjoavkkut ja frilánsakuráhtorat sáhtet ohcat.

Ohcamuššii čálát prošeaktačilgehusa, guđe lanjas háliidat čájehit, dáiddár-CV ja mielddustit dáiddalaš duođaštusa ovddeš dáiddabargguin dahje evttohusaid čájáhussii govaid, video dahje jiena bokte. Loga fal almmuhusa dárkilit ovdal go deavdigoađat ohcanskovi, ja fuomáš ge ohcamušteavstta guhkodatráji ja galle mildosa beassá ohcamuššii bidjat.

Ohcamuš sáddejuvvo Kunstnerforbundeta digitála ohcanportála bokte ovdal ohcanáigemeari loahpa. Ohcamušat mat eai leat boahtán sisa ohcanáigemearrái, dahje mat leat váilevaččat, hilgojuvvojit. Dađi bahábui, mii eat váldde vuostá ohcamušaid e-poastta dahje reivve bokte, PDF dahje eará hámiin.

Ohcamušaid árvvoštallan

Jurys lea Kunstnerforbundeha stivra mii ovttas beaivválaš jođiheddjiin árvvoštallá ohcamiid fágalaččat. 20 čájáhusprošeavtta válljejuvvojit mat galget čájehuvvot Kunstnerforbundetas 2026:s.

Ohcansiidu rahpasa borgemánu 1. beaivvi 2024.

Áigemearri ohcat: Sotnabeaivvi čakčamánu 1. beaivvi 2024 dii. 24.00.

Vástádusa boahtá birrasii ođđajagi.

→ Loga eambbo Kunstnerforbundet birra ja ovddeš ja dálá čájáhusaid dás.

Gažaldagat ohcamuša birra?

Váldde fal oktavuođa buori áiggis ovdal ohcanáigemeari.

Publisert 28. juni 2024
Sist oppdatert 2. september 2024