[Les og last ned utstillingskatalog her]
Geassečájáhus
Gálgat mohkiid, duogŋat gokčasiid
30.05 – 30.06.2024
Kunstnerforbundet
Bures boahtin geassečájáhussii Gálgat mohkiid, duogŋat gokčasiid mii čalmmustahttá sámi čájáhusaid ja dáhpáhusaid jagiid mielde Kunstnerforbundeha historjás. Čájáhusa vuolgga lea earret eará lea sámi dáiddára John Savio muitučájáhus 1939:s, maid su ustibat ja Kunstnerforbundeha stivra bidje oktii jagi maŋŋá go son vádjolii nuorran. Dát lei vuosttaš albma Savio-čájáhus Oslos. Dasto mii duogŋat muitalusaid ráiggiid go burgit dan dovddameahttun oktavuođa Kunstnerforbundet ja sámi duojáriid gaskkas máŋgalot jagi badjel. Sámi giehtaránut duddjojuvvo gokčasin miehtá Davvi-Sámis, muhto nuppi máilbmesuođi boaldimiid geažil jávkkai árbevierru eará go Olmmáivákkis Gáivuonas, gos otnábeaivái ge gođđet nugohččoduvvon “manndalsgrener”. Kunstnerforbundet lágidii 1956:s ovttas Brukskunst searvviin čájáhusa gos čájehedje earret eará sámi ránuid eará dáiddadujiid searvvis. Áviissat rámiidedje čájáhusa ja ránuid main de šattai buorre johtu. Kunstnerforbundet čálasii gitta 1980-loguid radjái nissoniiguin Olmmáivákkis ja Skárfvákkis geat gođđe giehtaránuid diŋgojumi vuođul.
Čájáhus gođđá muitalusaid ránuid birra ja mo John Savio dáiddabarggut leat movttidahttán boahtevaš dáiddárbuolvvaid, oktan dáidagiid golbmanuppelot dáiddáriin geat leat sápmelaččat dahje geain lea oktavuohta Sápmái. Makkár sámi muitalusat ledje dažaid servodaga gokčasa vuolde don dolin, dáruiduhttima áiggis ja maiddái maŋŋá go mahkkáš heaittihuvvui? Ja makkár mohkkohallamiid darbbašat gálgat maŋŋá Duohtavuođa ja soabahankommišuvnna barggu ja raporta álmmuheami? Dáidagiid bokte gieđahallat vel mo dáruiduhttin lea váikkuhan mo mii geahččat identitehta ja sohkabealrollaid.
Čájáhusas leat mielde Monica L. Edmondson, Bente Geving, Mihkkal Hætta, Elina Juopperi, Márjá Karlsen, Mary Ailonieida Sombán Mari, Elina Waage Mikalsen, Hilde Skancke Pedersen ja Gerlinde Thiessen, Irene Rasmussen, Gjert Rognli, Lada Suomenrinne, Silje Figenschou Thoresen ja Jostein Venås. Dasto čájehit vel govaid John Savios, giehtagođđujuvvon ránuid, boares áviisaartihkalat ja vuosttaš sámegielat TV-prográmma.
Dasto leat vel dáid dáiddáriid dáidagat vuovdinmassin, e.e. Tomas Colbengtson, Hanne Grete Einarsen, Brit Fuglevaag, Johanne Marie Hansen-Krone, Geir Tore Holm, Pia Jannok ja Ove Stødle, Naina Helén Jåma, Laila Susanne Kuhmunen, Laila Labba, Martine Linge ja Eiril Linge, Christin Løkke, Britta Marakatt-Labba, Hans Ragnar Mathisen, Åsne Kummeneje Mellem, Tonje Plur, Margrethe Pettersen, Máret Ánne Sara, Ingemund Skålnes, Marita Isobel Solberg, Marte Lill Somby, Erika Stöckel ja Kristin Tårnesvik.
Kine Yvonne Kjær lea sárgon ja hábmen čájáhusa plákahta.
Gálgat mohkiid, duogŋat gokčasiid čájáhusa lea dáiddár, kuráhtor ja Kunstnerforbundeha diehtojuhkinbargi Raisa Porsanger kuráhteren oktan Martina Petrelli, Atelier Kunstnerforbundeha kuráhtora.
Maŋŋebargga 18. b. geassemánus dii. 17: Stand-up Isalill Kolpusain ja oahpisteapmi čájáhusas kurahtorguoktáin. Loga eambbo dás.
Duorastat 27. b. geassemánus dii. 18: Dáiddahistorjá Kunstnerforbundetis #16: Monica Grini — Gean (dáidda)historjá? Sámi dáidda ja našunala muitalusat . Loga eambbo dás.
Mii leat hui rámis go Sámediggi, Fritt Ord ja FINNO (Suoma-Norgga kulturinstituhtta) leat doarjan dán čájáhusa. Giitosat vel Kunst på Arbeidsplassenii Savio-govaid luoikama ovddas, ja vel Olmmáivákki Duodjesearvái (Manndalen Husflidslag), Norgga Álbmotmuseii ja Nášunala girjeradjosii buori veahkki ovddas.
Čájáhus rahpá duorastaga 30. b. miessemánus tii. 18.00-20.00, ja bistá 30. b. geassemánu radjái.
