Tomas Colbengtson
Goh tjoevke jih soejvene soptseste
Vad ljus och skugga berättar
Salene mubpene laptesne
14.09.2023 – 15.10.2023

Mijjen lea aavoe Toman Colbengtsonen vuesieh­timmiem Goh tjoevke jih soejvene sopt­seste vuesieh­tidh. Åarjel­saemien vuajnoen tjïrrh Colbengtson teemah bæjjese vaalta goh mujhteme jïh kolonije­histovrije Saepmien sveerjen bielesne. Dïhte sæjhta tjoev­kesem bïej­edh persov­neles jïh ektie soptsesidie åejvieladtji daaresjim­miej bïjre aalkoe­åålmegi vööste. Vierh­kieh leah kulturelle dïedtel­gimmien bïjre goh nærh­tome saemien gïelen, religi­jovnen jïh båatsoen vööste. Jïh joekoen dihte vaenie åehpies soptsese sveerjen staaten bïjre mij tjabrehti saemieh jåhtajidh noerhte-saemien dajvijste åarjel­saemien dajvide 1900-låhkoen.

Smaave bæhtah åvtetje aejkien gïengelistie, goh mojhtesh maana­baeleste, våarhkoe­mat­erijelle jallh gïejh eatnam­isnie, vihth vuep­ties­tamme jïh vaajes­tamme sjidtieh. Colbengtson åajvahk­ommes sïlhke­trygkine jïh klaasine barka goh medijume, jïh port­rehth jïh eatne­me­motijvh båeries guv­vijste nuhtjie lissine teekste sveerjen jïh åarjel­saemien gielesne goh våarome gietedidh – ij ajve tjeahpoen goerkesen mietie, men aaj tera­peevteles  - jïh sopt­sesh sopt­sestidh. Dïhte guvvieh veedtjie dovne privaate jïh byøgkeles våarhk­ojste, gaskem jeatjah vïedtel­dihkie naelie­biologeles dotkemasse.

Colbengtson lea åehpies sov klaase­skulptuvri gaavhtan mah dorje­sovveme teknih­kine gap­tje­dimmie­klaase gusnie guvvieh sertie­stuvvieh viehkine sïlhke­trygkeste jïh klaasen sijse bïeje­suvvieh. Lissine gellie guektien­dimen­sjonaale vierhkieh vuesehte gusnie måala­dimmieh jïh guvvieh, mah leah gïete­sovveme rastree­remen tjïrrh, dovne plïehtje jïh sojjel­dihkie klaase- jïh metalle­plaataj nille såarhka. Vuesieht­immie aaj jienebh instal­lasjovnh vuesehte gusnie tjoevkese, yörhke jïh speejjel­dimmie soptsesh ov-vååjne­dehtemen jïh ammes­dehtemen bïjre sopt­sestieh mah ahkedh indivij­dem, seabra­dahkem jïh kultuv­rem baajnehtieh.

Tomas Colbengtson (r. 1957, Dearna, Sveerje) lea åarjel­saemien guvvie­tjiehpie­dæjja ööhpeh­tim­mine jïlle­skuvleste Konstfack (MFA), 1991. Boelhken 1998-2008 lij resident artist jille­skuv­lesne Kungliga Tekniska Högskolan Stuehkesne. Colbengtson lea tseegkije prosjek­teste Sápmi Salasta - Saepmie feerhmie. Dïhte vuesieht­im­mieh åtneme dovne Saepmesne, Skandi­navijisnie jïh ålkoe­laantesne, ajve 2022 mænngan satne vuesieh­tim­mieh åtneme gelline sijjine, dej gaskem Sámi Dáidda­guovddáš, Karasjohkesne, Scandinavian House, New York, National Nordic Museum, Seattle, Enter ArtFair, København, Galleri Helle, Stuehkie, Museum Cerny, Bern, Sveits, jïh Saemien Sijte Snåasesne, juktie naakenh neebnedh. Dej gaskem mah altese vierhkieh åasteme lea Saemie­digkie, Noerhte­nöörjen Tjeahpoe­museume, Riddo­Duottar­Museat, KORO, Nasjonal­museet, Trööhnege Sonjan tjeahpoe­våarhkoe jïh Staaten tjeahpoe­raerie.

Gærja Faamoe Colbengtsonen tjiehpie­dæjja­voeten bïjre bööti 2019 jïh doeke­såvva gallerij­esne.

Vuesiehtimmie lea dorjesovveme laavenjostosne jïh dåarjojne Sámi Dáidda­guovddášistie.